▌質感超棒的 Starling Bank 開戶

相信好多準備移民黎英國，或者已經到步嘅香港人都有開 #Monzo 呢間英國嘅虛擬銀行戶口，雖然佢之前有傳面臨財務困難，但基於佢係最容易開嘅英國銀行戶口，而且佢又有存款保障，所以即使佢有負面消息，都照用呢間銀行。而且用落，的確係 Apps 嘅介面同 Notifications 方面係好過某啲 High Street Bank 嘅 Apps，令我用呢個戶口網絡購物個陣都特別安心。

可惜嘅係，繼財務困難之後，又傳出騰訊會入股 Monzo。作為香港人，既然都避中共避到要離鄉別井，有得揀當然唔會想揀返有中資背景嘅野啦。雖然我已經有 Llodys 呢間銀行嘅戶口，但頭先都講，介面同某啲 UX 真係及唔上數位銀行，所以決定都係開返間 Virtual Bank Account。係英國，最出名嘅 Virtual Bank ，除咗 Monzo 就係 #Starling Bank 啦！網上仲有好多人比較過 Monzo 同 Starling，近呢一兩年，Starling 作為一間銀行亦確切咁跑贏 Monzo。

不過開 Starling 嘅步驟就嚴謹過 Monzo 好多啦，地址證明方面只接受 Council Tax，水電煤帳單，又或者係 Bank Statement 呢啲初到貴境好難即刻有嘅野。不過如果有上述嘅文件，成件事就好 Easy 啦！而且 Starling 有樣野比 Monzo 優勝，就係佢個 Apps 可以做埋記帳 Apps。用呢個戶口買野，會自動幫你歸類返唔同種類嘅洗費，仲 Show 埋 Chart 俾你睇自己邊方面洗最多錢添！

成功開戶之後，佢會寄張 Debit Card 俾你，個 Packing 真係超有質感！白色嘅硬卡紙，用循環再造紙整嘅，好似一張 Greeting Card 咁，一打開就係你張卡。張卡影相睇唔出有咩特別，但實物係有少少磨砂感覺嘅亮綠色！成張卡行簡約 Design，正面係打直嘅設計，反面就印有卡號碼呢啲敏感資料。

其實我個人就覺得，卡號碼呢啲都唔洗 Show 係張卡到啦。依加咩都 Apps 搞掂，人人都機不離手。卡號碼係個 Apps 入面㩒咪得～ 不過佢印係反面，又無咁張揚，我覺得都可以接受啦～

#珍妮在英國 ｜#852_to_44 ｜ #BNOVisa ｜#BNO ｜#HongKongerInUK ｜ #HongKongerInManchester ｜ #香港人在英國｜#香港人在曼城 ｜#旅居港人｜